Wakuu wa Mikoa,Makatibu Tawala simamieni utunzaji wa siri za Serikali- MAJALIWA

Imewekwa tar.: June 30th, 2021

Waziri  Mkuu wa Jamhuri ya Muungano wa Tanzania Mhe Kassim Majaliwa Majaliwa  amewataka  Wakuu wa Mikoa na Makatibu Tawala wa Mikoa yote nchini kuhakikisha wanasimamia na  kudhibiti utunzaji wa siri za Serikali katika maeneo wanayofanyia kazi

Akifungua Mafunzo ya  uongozi  kwa wakuu wa Mikoa na Makatibu Tawala na Mikoa leo Jijini Dodoma Mhe Majaliwa amesema kuwa kuna  wimbi limeibuka kwa baadhi ya barua kukutwa kwenye mitandao ya kijamii huku zikiwa na siri za Serikali hivyo Viongozi hao wanawajibu wa kuhakikisha  siri za serikali hazisambai hovyo kwenye mitandao ya Kijamii

Amesema kuwa kumekuwepo na tabia kwa barua za Serikali kuonekana kwenye mitanndao ya kijamii ikiwemo Whatsaap, Istragramm, twitter  jambo hili ni aibu na sio usiri wa nyaraka za Serikali, hakikisheni mnalinda  na kudhibiti utandawazi  uliopo katika suala la utunzaji wa siri za Serikali.

Ameawataka viongozi hao kuhakikisha wanasimamia  watumishi wa umma hasa katika Mamlaka za Serikali za Mitaa  ili waweze kutunza  siri za ofisi  na kuwaelekeza kutumia mfumo unaokubalika katika utoaji wa taarifa na usambazaji wa nyaraka za Serikali

Wakati huohuo,  Waziri wa Nchi Ofisi ya Rais Tawala za Mikoa na Serikali za Mitaa Mhe. Ummy Mwalimu amesema wataleta mapendekezo ya kuwapima wakuu wa Mikoa na Makatibu Tawala wa Mikoa na Wakurugenzi wa Halmashauri wote nchini kwa kutenga fedha kwa ajili ya miradi ya maendeleo ya wananchi.

Ameendelea kusema kuwa Serikali inaenda kuchambua fedha inayobaki ya asimia 40 ya mapato ya ndani ili kuleta ulinganifu katika matumizi kulingana na umbali wa Halmashauri husika kwa kuwa serikali inataka fedha yote inayokusanywa kwenda kwenye miradi ya maendeleo.

“Kuna haja ya kuzichambua kwa kina matumizi ya fedha zinazotolewa na Serikali ambapo Halmashauri inayopata shilingi bilioni 1 kwa mwaka  anaendesha Halmashauri kwa shilingi milioni 600 kwa mwaka  na Halmashauri inayopata bilioni 5 kwa mwaka anaendesha Halmashauri  kwa bilioni 2  na Halmashauri inayopata bilioni 20 wanaendesha Halmashauri kwa shilingi  bilioni 8 kwa mwaka  ambapo wakuu wa Idara ni haoahao na watumishi ni haohao, hii si sawa “ amesema Waziri Ummy

Waziri Ummy amesema kuwa Serikali imedhamiria kuwekeza nguvu katika ukusanyaji wa mapato kupitia vyanzo ambavyo si kero kwa wananchi na kudhibiti matumizi yasiyo na tija na kusimamia kikamilifu sera zilizoko kwenye maendeleo

Aidha, Waziri Ummy ametaja vipaombele vya Ofisi ya Rais-TAMISEMI kuhakikisha wanaboresha huduma za afya ya msingi, kuanzia ngazi ya zahanati, vituo vya afya na Hospitali za Wilaya, kuboresha elimu msingi na Sekondari katika masula yote ya ujenzi wa miundombinu na ufundishaji, kuboresha na kuimarisha miundombinu ya barabara, kuwawezesha wananchi kiuchumi na uendelezaji miji na vijiji

.