Serikali kupunguza changamoto za miundombinu Kibiti

Imewekwa tar.: September 16th, 2021

Waziri wa Nchi Ofisi ya Rais Tawala za Mikoa na Serikali za Mitaa Mhe Ummy Mwalimu amesema dhamira ya Rais wa Jamhuri ya Muungano wa Tanzania Mhe. Samia Suluhu Hassani ni kuhakikisha anatatua kero ya miundombinu ya barabara nchini, hivyo Serikali imetenga kiasi cha shilingi bilioni 1.5 kwa ajili ya maendeleo ya barabara katika Halmashauri ya Wilaya ya Kibiti katika bajeti ya mwaka 2021/2021

Ameyasema hayo leo wakati akikagua ujenzi wa  barabara  ya majenda – nyambangala  kwa kiwango cha lami nyepesi  yenye urefu wa kilometa 0.6               (majenda – nyambangala  km 0.15  na Majenda – Halmashauri km 0.45  Halmashauri ya Wilaya ya Kibiti Mkoani Pwani

Waziri Ummy amesema kuwa katika mwaka wa fedha  2019/2020 na 2020/2021  Halmashauri ya Wilaya ya Kibiti hakutengewa fedha za miradi ya maendeleo ya barabara, hivyo kwa mara ya kwanza  chini ya uongozi wa Rais Samia Suluhu Hassani  imeweza kutengewa fedha kwa ajili ya ujenzi wa miundombinu ya barabara.  

Waziri Ummy amemuagiza  Meneja wa Wakala wa Barabara za Vijijini na Mijini (TARURA) Mkoa  kuingiza kwenye mpango wa bajeti ya mwaka 2021/2022 ujenzi wa barabara  ya majenda – Kibiti yenye urefu wa kilometa 1  kwa kiwango cha lami ili kupunguza adha ya miundombinu katika halmashauri hiyo.

Naye Meneja wa Tarura Halmashauri ya Wilaya ya Kibiti Mhandisi Salim Bwaya amesema tarura inahudumia  mtandao wa barabara wenye jumla ya urefu wa kilometa 661.40 ambazo kati  ya hizo  kilometa 0.60 ni lami na kilometa 48.60 ni changarawe na kilometa 612,20 ni udongo,Aidha amesema  kati za barabara hizo kilometa 67.85 zipo katika hali nzuri na kilometa 132.6 zipo kwenye hali ya kuridhisha na Kilometa 461,95 zipo kwenye hali mbaya.