MAFUNZO YA WAKURUGENZI WA HALMASHAURI KUFANYIKA SEPTEMBA,2023

Imewekwa tar.: August 22nd, 2023

Waziri wa Nchi, Ofisi ya Rais Tawala za Mikoa na Serikali za Mitaa Mhe. Angellah kairuki amesema mafunzo kwa ajili ya Wakurugenzi wote wa Mamlaka za Serikali za Mitaa yatafanyika mwezi September,2023.

Waziri Kairuki ameyasema hayo wakati akitoa maelezo mafupi wakati wa ufunguzi wa mafunzo ya uongozi kwa Wakuu wa Mikoa na Makatibu Tawala Mikoa yaliyofanyika kwenye shule ya Uongozi ya Mwalimu Nyerere iliyopo Kibaha mkoani Pwani mapema leo tarehe 22.08.2023.

Amesema tulianza kutoa mafunzo kwa maafisa Tarafa na Watendaji wa Kata ambapo maafisa hao katika mikoa ya Songwe, Njombe, Katavi na Rukwa wamepatiwa mafunzo kwa awamu ya kwanza na yataendelea kutolewa kwa Maafisa Tarafa wa nchi  nzima.

Na sasa tumewafikia viongozi hawa wakuu wa Miko ana watakaofuata ni Wakurugenzi wa Mamlaka za Serikali za Mitaa.

Alisema mafunzo haya yaliyofunguliwa leo yatafanyika kwa siku 6 na  yana lengo la kuwajengea viongozi uwezo wa kuongoza na kusimamia watu, fedha na rasilimali nyingine.

Pia aliongeza kuwa viongozi hao watajengewa uwezo wa kuwa viongozi wenye maamuzi ya Kimkakati na kutekeleza majukumu yao kwa ufanisi.

Amesema ili kufikia malengo hayo jumla ya mada 20 zitawasilishwa kutoka kwa watoa mada wabobezi na wenye uzoefu wa Serikalin a Sekta Binafsi na zitajikita katika masuala ya Uongozi na Usimamizi wa Rasilimali zilizopo katika ameneo yao, Miongozo na Taratibu mbalimbali zinazohusu utendaji kazi Serikalini pamoja na usimamizi wa miradi na ushirikishwaji wa Sekta Binfasi katika kukuza uchumi

Mafunzo haya ya Uongozi kwa Wakuu wa Miko ana Makatibu Tawala Mikoa yamefunguliwa na Makamu wa Rais wa Jamhuri ya Muungano wa Tanzania Mhe. Dkt. Isdor Philip Mpango na yatafanyika kwa siku 6.